Pyar karne ke liye geet sunaane ke liye..

February 6, 2017, 1:48 am

≫ Next: Main samjha meri ghuttan mitaane aya tha..

≪ Previous: Ibn-e-maryam hua kare koi..

$

0

0

Pyar karne ke liye geet sunaane ke liye,
Ik khazaana hai mere paas lutaane ke liye,

Yaad ke zakham hain, vadon ki dhanak hai, main hoon,
Yeh bohat hai teri tasveer banane ke liye,

Hum bhi kya log hain khushbu ki riwayat se alag,
Khud pe zahir na huye, tujh ko chupaane ke liye,

Rasta rok hi leta hai taghayur ka ghubaar,
Warna har raah khuli hai yahan jaane ke liye,

Kitni sadiyon ka lahuu safah-e-maqtal pe raha,
Aik sachayi ko tehreer main laane ke liye,

Tark-e-duniya ka iraada hi kiya tha ke woh shakhss,
Aa geya khawhish-e-duniya ko jagaane ke liye,

Aik hi aag ka eendhan nahin bhujne pata,
Dusri aag hai tayaar jalane ke liye,

Ab kahin taza musafat pe nikalte hain ‘saleem’,
Ab to vaada bhi nahin koi nibhane ke liye..

…

The post Pyar karne ke liye geet sunaane ke liye.. appeared first on Ranjish.com.

---

Main samjha meri ghuttan mitaane aya tha..

February 9, 2017, 12:28 am

≫ Next: Saare rishte tabah kar aya..

≪ Previous: Pyar karne ke liye geet sunaane ke liye..

$

0

0

Main samjha meri ghuttan mitaane aya tha,
Woh jhonka to dia bhujane aya tha,

Mausam-e-gul us baar bhi aya tha lekin,
Kya aya bas khaak urraane aya tha,

Chashm-e-zadn main sari basti doob gayi,
Dariya kis ki pyas bhujaane aya tha,

Mehr-e-nishan, zarkar-e-qabaa, woh yar mera,
Mujh ko sunehre khawb dikhaane aya tha,

Khali chatri dekh fasurda laut geya,
Bichra panchi apne thikaane aya tha..

…

The post Main samjha meri ghuttan mitaane aya tha.. appeared first on Ranjish.com.

Saare rishte tabah kar aya..

February 12, 2017, 9:23 am

≫ Next: Phir hareef-e-bahaar ho bethe..

≪ Previous: Main samjha meri ghuttan mitaane aya tha..

$

0

0

Saare rishte tabaah kar aya,
Dill-e-barbaad apne ghar aya,

Akhirash khoon thuukne se mian,
Baat main teri kya assar aya,

Tha khabar main ziyan dill-o-jaan ka,
Har taraf se main bekhabar aya,

Ab yahan hosh main kabhi apne,
Nahin aaon ga main agar aya,

Main raha umar bhar juda khud se,
Yaad main khud ko umar bhar aya,

Woh jo dil naam ka tha ek nafar,
Aaj main us se bhi mukar aya,

Muddaton baad ghar geya tha main,
Jaate hi main wahan se ddar aya..

…

The post Saare rishte tabah kar aya.. appeared first on Ranjish.com.

Phir hareef-e-bahaar ho bethe..

February 13, 2017, 3:15 am

≫ Next: Seene main jalan ankhon main tufaan sa kyun hai..

≪ Previous: Saare rishte tabah kar aya..

$

0

0

Phir hareef-e-bahaar ho bethe,
Jaane kis kis ko aaj ro bethe,

Thi magar itni raayegan bhi na thi,
Aaj kuch zindagi se kho bethe,

Tere dar tak pohanch ke laut aaye,
Ishq ki aabruu dubo bethe,

Sari duniya se duur ho jaye,
Jo zara tere paas ho bethe,

Na gayi teri berukhi na gayi,
Hum teri aarzuu bhi kho bethe,

Faiz hota rahe jo hona hai,
Sher likhte raha karo bethe..

…

The post Phir hareef-e-bahaar ho bethe.. appeared first on Ranjish.com.

Seene main jalan ankhon main tufaan sa kyun hai..

February 13, 2017, 10:24 am

≫ Next: Yaksu bhi lag raha hoon bikharne ke bawjuud..

≪ Previous: Phir hareef-e-bahaar ho bethe..

$

0

0

Seene main jalan ankhon main tufaan sa kyun hai,
Iss sheher main har shakss pareshaan sa kyun hai,

Dil hai to dharrakne ka bahaana koi dhoondhe,
Pathar ki tarah be-hiss o be-jaan sa kyun hai,

Tanhaayi ki yeh kaun si manzil hai rafiqo,
Ta hadh-e-nazar ek bayabaan sa kyuun hai,

Hum ne to koi baat nikaali nahin gham ki,
Woh zuud-pashemaan pashemaan sa kyun hai,

Kya koi naii baat nazar aati hai hum main,
Aayina hamen dekh ke hairaan sa kyun hai..

…

The post Seene main jalan ankhon main tufaan sa kyun hai.. appeared first on Ranjish.com.

Yaksu bhi lag raha hoon bikharne ke bawjuud..

February 15, 2017, 1:50 am

≫ Next: Tamanaaon main uljhaaya geya hoon..

≪ Previous: Seene main jalan ankhon main tufaan sa kyun hai..

$

0

0

Yaksu bhi lag raha hoon bikharne ke bawjuud,
Puri tarah mara nahin marne ke bawjuud,

Ik dhuup si tani hui badal ke aar-paar,
Ik pyaas hai ruki hui jharne ke bawjuud,

Us ko bhi yaad karne ki fursat na thi mujhe,
Masruuf tha main kuch bhi na karne ke bawjuud,

Pehla bhi dusra hi kinara ho jis tarah,
Halat wohi hai paar utarne ke bawjuud,

Apni taraf hi rukh tha wahan vardaat ka,
Ilzaam us ke naam pe dharne ke bawjuud,

Hairaan hoon mujh main itni yeh himmat kahan se ayi,
Kar hi geya hoon kaam jo darne ke bawjuud,

Jaisa bhi yeh safar ho zara ghaur kijiye,
Kaisa ravaan-davaan hoon thehrne ke bawjuud,

Nikla nahin hai koi nateeja yahan zafar,
Karne ke bawjuud na bharne ke bawjuud..

…

The post Yaksu bhi lag raha hoon bikharne ke bawjuud.. appeared first on Ranjish.com.

Tamanaaon main uljhaaya geya hoon..

February 15, 2017, 2:38 am

≫ Next: Khawb ki tarah bikhar jaane ko jee chahta hai..

≪ Previous: Yaksu bhi lag raha hoon bikharne ke bawjuud..

$

0

0

Tamanaaon main uljhaaya geya hoon,
Khilone de ke behlaaya geya hoon,

Hoon iss kuuche ke har zaray se waqif,
Idhar se mudatton aaya geya hoon,

Nahin uthte qadam kyun jaanib-e-dair,
Kisi masjid main behkaaya geya hoon,

Dil-e-muztar se pooch ae raunak-e-bazm,
Main khud aaya nahin laaya geya hoon,

Savera hai bohat ae shor-e-mehshar,
Abhi bekaar uthvaaya geya hoon,

Sataya aa ke pehron aarzuu ne,
Jo dum bhar aap main paaya geya hoon,

Kuja main aur kuja ae Shad duniya,
Kahan se kis jagah laaya geya hoon..

…

The post Tamanaaon main uljhaaya geya hoon.. appeared first on Ranjish.com.

Khawb ki tarah bikhar jaane ko jee chahta hai..

February 18, 2017, 7:08 am

≫ Next: Apni dhun mein rehta hoon, Mein bhi tere jesa hoon..

≪ Previous: Tamanaaon main uljhaaya geya hoon..

$

0

0

Khawb ki tarah bikhar jaane ko jee chahta hai,
Aesi tanhayi ke mar jaane ko jee chahta hai,

Ghar ki vehshat se larazta hoon magar jaane kyun,
Shaam hoti hai to ghar jaane ko jee chahta hai,

Doob jaon to koi mauj nishan tak na bataye,
Aesi nadee main utar jaane ko jee chahta hai,

Kabhi mil jaye to raste ki thakkan jaag parre,
Aesi manzil se guzar jaane ko jee chahta hai,

Wohi paimaan jo kabhi jee ko khush aya tha bohat,
Ussi paimaan se mukar jaane ko jee chahta hai..

…

The post Khawb ki tarah bikhar jaane ko jee chahta hai.. appeared first on Ranjish.com.

---

Apni dhun mein rehta hoon, Mein bhi tere jesa hoon..

February 18, 2017, 10:40 am

≫ Next: Main kinaron ko rulane laga hoon..

≪ Previous: Khawb ki tarah bikhar jaane ko jee chahta hai..

$

0

0

Apni dhun mein rehta hoon
Mein bhi tere jesa hoon

O pichli rut ke sathi
Ab ke baras main tanha hoon

Teri gali mein sara din
Dukh ke kankar chunta hoon

Mujh se ankh milaaye kon
Main tera aayina hoon

Tere sivaa mujhe pehne kon
main tere tan ka kaprra hoon

Mera diya jalaye kon
Mein tera khali kamra hoon

Tu jeevan ki bhari gali
Mein jungle ka tanha rasta hoon

Aati rut mujhe roye gi
Jaati rut ka jhonka hoon

Apni lehr hai apna rog
Dariya hoon aur pyasa hoon

…

The post Apni dhun mein rehta hoon, Mein bhi tere jesa hoon.. appeared first on Ranjish.com.

Main kinaron ko rulane laga hoon..

February 19, 2017, 5:27 am

≫ Next: Ankhon main bass ke, dil main samaa ke chale gaye..

≪ Previous: Apni dhun mein rehta hoon, Mein bhi tere jesa hoon..

$

0

0

Main kinaron ko rulane laga hoon,
Phool dariya main bahane laga hoon,

Khel ko khatm karo jaldi se,
Warna main parda giraane laga hoon,

Dil se jaaon to batana mujh ko,
Teri mehfil se to jaane laga hoon,

Yuun lagi mujh ko mohabbat teri,
Jaise main bojh uthane laga hoon,

Pehle main apna uraata tha mazaq,
Aur ab khaak urrane laga hoon,

Kitni asaani se maara geya tha,
Kitni mushkil se thikaane laga hoon,

Shukr hai ishq ke sauday main bhi,
Ashk do-chaar kamaane laga hoon,

Waqt hoon aur bari muddat se,
Main tere saath zamaane laga hoon,

Aese khamosh hua hoon zahid,
Jaise main baat barrhane laga hoon..

…

The post Main kinaron ko rulane laga hoon.. appeared first on Ranjish.com.

Ankhon main bass ke, dil main samaa ke chale gaye..

February 21, 2017, 1:42 am

≫ Next: Almari se khat us ke purane nikal aye..

≪ Previous: Main kinaron ko rulane laga hoon..

$

0

0

Ankhon main bass ke, dil main samaa kar chale gaye,
Khawbeeda zindagi thi jagaa kar chale gaye,

Husn-e-azal ki shaan dikha kar chale gaye,
Ik vaaqiya sa yaad dilaa kar chale gaye,

Chehre tak aasteen woh la kar chale gaye,
Kya raaz tha ke jis ko chupaa kar chale gaye,

Rag rag main is tarah woh samaa kar chale gaye,
Jaise mujhi ko mujh se churaa kar chale gaye,

Samjha ke pastiyan mere auj-e-kamal ki,
Apni bulandiyan woh dikha kar chale gaye,

Apne farogh-e-husn ki dikhlaa ke vusaten,
Mere huduud-e-shauq barrhaa kar chale gaye,

Har shai ko meri khatir-e-nashad ke liye,
Aayina-e-jamal bana kar chale gaye,

Aaye they dil ki pyaas bujhaane ke vastay,
Ik aag si woh aur lagaa kar chale gaye,

Ab karobaar-e-ishq se fursat mujhe kahan,
Kaunain ka woh dard barrhaa kar chale gaye,

Shukr-e-karam ke sath yeh shikva bhi ho qubuul,
Apna sa kyun na mujh ko bana kar chale gaye,

Lab tharthraa ke reh gaye lekin woh ae jigar,
Jaate huye nigaah milaa kar chale gaye..

…

The post Ankhon main bass ke, dil main samaa ke chale gaye.. appeared first on Ranjish.com.

Almari se khat us ke purane nikal aye..

February 22, 2017, 4:01 am

≫ Next: Jo log dushman-e-jan thay wohi saharay thay..

≪ Previous: Ankhon main bass ke, dil main samaa ke chale gaye..

$

0

0

Almari se khat us ke purane nikal aye,
Phir se mere chehre pe yeh daane nikal aye,

Maan beth ke takti thi jahan se mera rasta,
Mitti ke hattate hi khazaane nikal aye,

Mumkin hai hamen gaaon bhi pehchan na paye,
Bachpan main hi hum ghar se kamane nikal aye,

Ae rait ke zaray tera ehsan bohat hai,
Ankhon ko bhigone ke bahane nikal aye,

Ab tere bulane se bhi hum aa nahin sakte,
Hum tujh se bohat aagay zamane nikal aye,

Ek khauf sa rehta hai mere dil main hamesha,
Kis ghar se teri yaad na jaane nikal aye..

…

The post Almari se khat us ke purane nikal aye.. appeared first on Ranjish.com.

Jo log dushman-e-jan thay wohi saharay thay..

February 22, 2017, 8:53 am

≫ Next: Asmaan tak jo naala pohancha hai..

≪ Previous: Almari se khat us ke purane nikal aye..

$

0

0

Jo log dushman-e-jan thay wohi sahare thay,
Munaafe thay mohabbat main khasaare thay,

Huzur-e-shah bas itna hi arz karna hai,
Jo ikhtiyar tumhare thay, haq hamare thay,

Yeh aur baat baharen gurez-pa niklin,
Gulon ke hum ne to sadqe bohat utaare thay,

Khuda kare ke teri umar main gine jayen,
Woh din jo hum ne tere hijr main guzare thay,

Ab izn ho to teri zulf main piro dein phool,
Ke asmaan ke sitaare to isti-yare thay,

Qareeb aaye to har gul tha khana-e-zambur,
Nadeem duur ke manzar to pyare pyare thay..

…

The post Jo log dushman-e-jan thay wohi saharay thay.. appeared first on Ranjish.com.

Asmaan tak jo naala pohancha hai..

February 23, 2017, 3:47 am

≫ Next: Gale mila na kabhi chand bakht aisa tha..

≪ Previous: Jo log dushman-e-jan thay wohi saharay thay..

$

0

0

Asmaan tak jo naala pohancha hai,
Dil ki gehrayion se niklaa hai,

Meri nazron main hashar bhi kya hai,
Main ne un ka jalaal dekha hai,

Jalva-e-tur khawb-e-musa hai,
Kis ne dekha hai kis ko dekha hai,

Haye anjaam is safeene ka,
Nakhuda ne jise duboya hai,

Aah kya dil main ab lahuu bhi nahin,
Aaj ashkon ka rang pheeka hai,

Jab bhi ankhen milin un ankhon se,
Dil ne dil ka mizaaj pucha hai,

Woh jawani ke thi hareef-e-tarab,
Aaj barbad-e-jam-o-sahba hai,

Kaun uth kar chala muqabil se,
Jis taraf dekhiye andhera hai,

Phir meri ankh ho gayi namnak,
Phir kisi ne mizaaj pucha hai,

Sach to yeh hai majaz ki duniya,
Husn aur ishq ke sivaa kya hai..

…

The post Asmaan tak jo naala pohancha hai.. appeared first on Ranjish.com.

Gale mila na kabhi chand bakht aisa tha..

February 25, 2017, 2:55 am

≫ Next: Iss baar us ki ankhon main itne sawal thay..

≪ Previous: Asmaan tak jo naala pohancha hai..

$

0

0

Gale mila na kabhi chaand bakht aesa tha,
Hara-bhara badan apna darakht aesa tha,

Sitare siskiyan bharte the oss roti thi,
Fasaana-e-jigar-e-lakht–lakht aesa tha,

Zara na mom hua pyar ki hararat se,
ChaTTakh ke toot geya dil ka sakht aesa tha,

Yeh aur baat ke woh labb thay phool se nazuk,
Koi na seh sake lehja karakht aesa tha,

Kahan ki sair na ki tosan-e-takhayyul pr,
Hamen to yeh bhi suleman ke takht aesa tha,

Idhar se guzra tha mulk-e-sukhan ka shehzada,
Koi na jaan saka saaz-o-rakht aesa tha..

…

The post Gale mila na kabhi chand bakht aisa tha.. appeared first on Ranjish.com.

---

Iss baar us ki ankhon main itne sawal thay..

February 26, 2017, 9:23 am

≫ Next: Main zindagi ka sath nibhata chala geya..

≪ Previous: Gale mila na kabhi chand bakht aisa tha..

$

0

0

Iss baar us ki ankhon main itne sawal thay,
Main bhi sawal ban ke sawalon main reh geya..…

The post Iss baar us ki ankhon main itne sawal thay.. appeared first on Ranjish.com.

Main zindagi ka sath nibhata chala geya..

February 27, 2017, 1:53 am

≫ Next: Main hoon, dil hai, tanhayi hai..

≪ Previous: Iss baar us ki ankhon main itne sawal thay..

$

0

0

Main zindagi ka sath nibhata chala geya,
Har fikr ko dhuyen main urrata chala geya,

Barbadiyon ka sog manana fazool tha,
Barbadiyon ka jashan manata chala geya,

Jo mil geya usi ko muqaddar samajh liya,
Jo kho geya main us ko bhulata chala geya,

Gham aur khushi main farq na mehsoos ho jahan,
Main dil ko us maqaam pe lata chala geya..

…

The post Main zindagi ka sath nibhata chala geya.. appeared first on Ranjish.com.

Main hoon, dil hai, tanhayi hai..

February 28, 2017, 2:24 am

≫ Next: Nazar ke samne rehna nazar nahin aana..

≪ Previous: Main zindagi ka sath nibhata chala geya..

$

0

0

Main hoon, dil hai, tanhayi hai,
Tum bhi hote acha hotaa..

میں ہوں دل ہے تنہائی ہے
تم بھی ہوتے اچھا ہوتا
…

The post Main hoon, dil hai, tanhayi hai.. appeared first on Ranjish.com.

Nazar ke samne rehna nazar nahin aana..

February 28, 2017, 6:44 am

≫ Next: Marhala raat ka jab aye ga..

≪ Previous: Main hoon, dil hai, tanhayi hai..

$

0

0

Nazar ke samne rehna nazar nahin aana,
Tere sivaa yeh kisi ko hunar nahin aana,

Yeh intezar magar ikhtiyar main bhi nahin,
Pata to hai ke usay umar bhar nahin aana,

Yeh hijraten hain zameen-o-asman se agay ki,
Jo ja chuka hai usay laut kar nahin aana,

Zara si ghaib ki luknat zaban main lao,
Bagher us ke sukhan main assar nahin aana,

Har anay wala neya rasta dikhata hai,
Isi liye to humen raah pr nahin aana,

Zara woh dusri khirrki bhi khol kamre ki,
Nahin to taaza hawaa ne idhar nahin aana,

Karoon musaaften na-afreeda rahon ki,
Mujh jesa baad main awara-sar nahin aana..

نظر کے سامنے رہنا نظر نہیں آنا
ترے سوا یہ کسی کو ہنر نہیں آنا
…

The post Nazar ke samne rehna nazar nahin aana.. appeared first on Ranjish.com.

Marhala raat ka jab aye ga..

March 4, 2017, 7:58 am

≫ Next: Ae subh main ab kahan raha hoon..

≪ Previous: Nazar ke samne rehna nazar nahin aana..

$

0

0

Marhala raat ka jab aye ga,
Jism saaye ko taras jaye ga,

Chal parri rasm jo kaj-fehmi ki
Baat kya phir koi kar paye ga,

Sach se qatrate agar log yahan,
Lafz mafhoom se qatraye ga,

Aitbar us ka hamesha karna,
Woh to jhooti bhi qasam khaye ga,

Tu na hogi to phir ae sham-e-firaaq,
Kon aa kar humen behlaye ga,

Hum usay yaad bohat ayen ge,
Jab usay bhi koi thukraye ga,

Kainat us ki meri zaat main hai,
Mujh ko kho kar woh kise paye ga,

Na rahe jab woh bhale din bhi qateel,
Yeh zamana bhi guzar jaye ga..

…

The post Marhala raat ka jab aye ga.. appeared first on Ranjish.com.