Safar main dhoop to hogi jo chal sako to chalo..

January 15, 2017, 3:46 am

≫ Next: Koi hindu, koi muslim, koi isaayi hai..

≪ Previous: Hadh se barrhe jo ilm to hai jahl dosto..

$

0

0

Safar main dhoop to hogi jo chal sako to chalo,
Sabhi hain bheerr main tum bhi nikal sako to chalo,

Kisi ke vaastay raahen kahan badalti hain,
Tum apne aap ko khud hi badal sako to chalo,

Yahan kisi ko koi rasta nahin deta,
Mujhe giraa ke agar tum sambhal sako to chalo,

Kahin nahin koi suraj dhuaan dhuaan hai fazaa,
Khud apne aap se bahar nikal sako to chalo,

Yehi hai zindagi kuch khawb, chand umeeden,
Inheen khilonon se tum bhi behal sako to chalo..…

The post Safar main dhoop to hogi jo chal sako to chalo.. appeared first on Ranjish.com.

---

Koi hindu, koi muslim, koi isaayi hai..

January 17, 2017, 1:12 am

≫ Next: Adab ki baat hai warna munir socho to..

≪ Previous: Safar main dhoop to hogi jo chal sako to chalo..

$

0

0

Koi hindu, koi muslim, koi isaayi hai,
Sab ne insaan na bann’ne ki qasam khayi hai,

teen-chothaayi se zeyada hain jo abaadi main,
Un ke hi vaastay har bhook hai, mehengaayi hai,

Sirf mansoobon main mausam ke badalte hain mizaaj,
Sirf takreeren batati hain bahaar ayi hai..…

The post Koi hindu, koi muslim, koi isaayi hai.. appeared first on Ranjish.com.

Adab ki baat hai warna munir socho to..

January 18, 2017, 12:14 am

≫ Next: Ranjish hi sahi, dil hi dukhaane ke liye aaa..

≪ Previous: Koi hindu, koi muslim, koi isaayi hai..

$

0

0

Adabb ki baat hai warna munir socho to,
Jo shakhss sunta hai woh bol bhi to sakta hai..…

The post Adab ki baat hai warna munir socho to.. appeared first on Ranjish.com.

Ranjish hi sahi, dil hi dukhaane ke liye aaa..

January 19, 2017, 1:14 am

≫ Next: Pyar ka pehla khat likhne main waqt to lagta hai..

≪ Previous: Adab ki baat hai warna munir socho to..

$

0

0

Ranjish hi sahi, dil hi dukhaane ke liye aaa,
Aaa phir se mujhe chorr ke jaane ke liye aaa,

Kuch to mere pindar-e-mohabbat ka bharam rakh,
Tu bhi to kabhi mujh ko manaane ke liye aaa,

Pehle se marasim na sahi phir bhi kabhi to,
Rasm-o-raaah-e-duniyaaa hi nibhaane ke liye aaa,

Kis kis ko batayen ge judayi ka sabbab hum,
tu mujh se khafaa hai to zamaane ke liye aaa,

Ik umar se hoon lazzat-e-girya se bhi mehroom,
Ae rahat-e-jaan mujh ko rulaane ke liye aaa,

Ab tak dil-e-khush-fehm ko tujh se hain umeeden,
Yeh aakhri shamen bhi bujhaane ke liye aaa..…

The post Ranjish hi sahi, dil hi dukhaane ke liye aaa.. appeared first on Ranjish.com.

Pyar ka pehla khat likhne main waqt to lagta hai..

January 19, 2017, 4:54 am

≫ Next: Khud-bakhud chorr gaye hain to chalo theek hua..

≪ Previous: Ranjish hi sahi, dil hi dukhaane ke liye aaa..

$

0

0

Pyar ka pehla khat likhne main waqt to lagta hai,
Naye parindon ko urrne main waqt to lagta hai,

Jism ki baat nahin thi un ke dil tak jana tha,
Lambi doori tayy karne main waqt to lagta hai,

Gaanth agar lag jaye to phir rishte hon ya ddori,
Laakh karen koshish, khulne main waqt to lagta hai,

Hum ne ilaaj zakham-e-dil to dhoond liya lekin,
Gehre zakhmon ko bharnay main waqt to lagta hai..…

The post Pyar ka pehla khat likhne main waqt to lagta hai.. appeared first on Ranjish.com.

Khud-bakhud chorr gaye hain to chalo theek hua..

January 21, 2017, 12:04 am

≫ Next: Yeh alag baat hai saaqi ke mujhe hosh nahin..

≪ Previous: Pyar ka pehla khat likhne main waqt to lagta hai..

$

0

0

Khud-bakhud chorr gaye hain to chalo theek hua,
Itne ehbaab kahan hum se sambhaale jaatey,

Hum bhi ghaalib ki tarah kuucha-e-jaana se,
Naa nikalte to kisi roz nikaale jaatey..

…

The post Khud-bakhud chorr gaye hain to chalo theek hua.. appeared first on Ranjish.com.

Yeh alag baat hai saaqi ke mujhe hosh nahin..

January 21, 2017, 7:46 am

≫ Next: Aayina dekh ke kehte hain sanwarne walay..

≪ Previous: Khud-bakhud chorr gaye hain to chalo theek hua..

$

0

0

Yeh alag baat hai saaqi ke mujhe hosh nahin,
Warna main kuch bhi hoon ehsan-faramosh nahin..…

The post Yeh alag baat hai saaqi ke mujhe hosh nahin.. appeared first on Ranjish.com.

Aayina dekh ke kehte hain sanwarne walay..

January 24, 2017, 1:36 am

≫ Next: Dil-e-umeed torra hai kisi ne..

≪ Previous: Yeh alag baat hai saaqi ke mujhe hosh nahin..

$

0

0

Aayina dekh ke kehte hain sanwarne walay,
Aaj be-maut maren ge mere marnay walay..…

The post Aayina dekh ke kehte hain sanwarne walay.. appeared first on Ranjish.com.

---

Dil-e-umeed torra hai kisi ne..

January 25, 2017, 3:57 am

≫ Next: Aayine se parda kar ke dekha jaye..

≪ Previous: Aayina dekh ke kehte hain sanwarne walay..

$

0

0

Dil-e-umeed torra hai kisi ne,
Sahara de ke chorra hai kisi ne,

Na manzil hai na manzil ka nishaan hai,
Kahan pe laa ke chorra hai kisi ne,

Qaffass ki teeliyan rangeen kyun hain,
Yahan pe sar ko phorra hai kisi ne,

Main un sheesha-garon se poochta hoon,
Ke toota dil bhi jorra hai kisi bhi..

…

The post Dil-e-umeed torra hai kisi ne.. appeared first on Ranjish.com.

Aayine se parda kar ke dekha jaye..

January 26, 2017, 5:15 am

≫ Next: Ab andheron main jo hum khauf-zada bethe hain..

≪ Previous: Dil-e-umeed torra hai kisi ne..

$

0

0

Aayine se pardah kar ke dekha jaye,
Khud ko itna tanhaa kar ke dekha jaye,

Hum bhi to dekhen hum kitne sache hain,
Khud se bhi ik vaada kar ke dekha jaye,

Deewaron ko chotta karna mushkil hai,
Apne qad ko uncha karke dekha jaye,

Raton main ik suraj bhi dikh jaye ga,
Har manzar ko ulta kar ke dekha jaye,

Dariya ne bhi tarsaya hai pyason ko,
Dariya ko bhi pyasa kar ke dekha jaye,

Ab ankhon se aur na dekha jaye ga,
Ab ankhon ko andha kar ke dekha jaye,

Yeh sapne to bilkul sache lagte hain,
In sapnon ko sacha kar ke dekha jaye,

Ghar se nikal kar jata hoon main roz kahan,
Ik din apna peecha kar ke dekha jaye..

…

The post Aayine se parda kar ke dekha jaye.. appeared first on Ranjish.com.

Ab andheron main jo hum khauf-zada bethe hain..

January 27, 2017, 4:36 am

≫ Next: Thapaak thapaak ke jinhe hum sulaate rehte hain..

≪ Previous: Aayine se parda kar ke dekha jaye..

$

0

0

Ab andheron main jo hum khauf-zada bethe hain,
Kya kahen khud hi charaaghon ko bujha bethe hain,

Bas yehi soch ke taskeen si ho jaati hai,
Aur kuch log bhi duniya se khafaa bethe hain,

Dekh le jan-e-wafaa aaj teri mehfil main,
Ek mujrim ki tarah ehl-e-wafa bethe hain,

Ek hum hain ke parastish pe aqeeda hi nahin,
Aur kuch log yahan ban ke khuda bethe hain,

Shaad tu bazm ke adaab samajhta hi nahin,
Aur bhi log yahan tere siva bethe hain..

…

The post Ab andheron main jo hum khauf-zada bethe hain.. appeared first on Ranjish.com.

Thapaak thapaak ke jinhe hum sulaate rehte hain..

January 28, 2017, 7:14 am

≫ Next: Agahi main ek khalaa maujood hai..

≪ Previous: Ab andheron main jo hum khauf-zada bethe hain..

$

0

0

Thapakk thapakk ke jinhe hum sulaate rehte hain,
Woh khawb hum ko hamesha jagaate rehte hain,

Umeeden jaagti rehti hain soti rehti hain,
Dareeche shamaa jalaate bujhaate rehte hain,

Na jaane kis ka humen intezar rehta hai,
Ke baam-o-dar ko hamesha sajaate rehte hain,

Kisi ko dhoondte hain hum kisi ke paikar main,
Kisi ka chehra kisi se milaate rehte hain,

Woh naqsh-e-khawb mukammal kabhi nahin hota,
Tamaam umar jise hum banaate rehte hain,

Usi ka akss har ik rang main jhalakta hai,
Woh ek dard jis sab chupaate rehte hain,

Hamen khabar hai kabhi lat kar na ayen ge,
Gaye dinon ko magar hum bulaate rehte hain,

Yeh khel sirf tumhin khelte nahin ‘alam‘,
Sabhi khalaa main lakeeren banaate rehte hain..

…

The post Thapaak thapaak ke jinhe hum sulaate rehte hain.. appeared first on Ranjish.com.

Agahi main ek khalaa maujood hai..

January 29, 2017, 5:55 am

≫ Next: Be-dili kya yuun hi din guzar jayen ge..

≪ Previous: Thapaak thapaak ke jinhe hum sulaate rehte hain..

$

0

0

Agahi main ek khalaa maujood hai,
Is ka matlab hai khuda maujood hai,

Hai yaqeenan kuch magar vaazeh nahin,
Aap ki aankhon main kya maujood hai,

Bankpan main aur koi shai nahin,
Sadgi ki intihaa maujood hai,

Hai mukammal badshahi ki daleel,
Ghar main gar ik boriya maujood hai,

Shauqiya koi nahin hota ghalat,
Is main kuch teri razaa maujood hai,

Is liye tanha hoon main garm-e-safar,
Qaafile main rahnuma maujood hai,

Har mohabbat ke bina hai chashni,
Har lagan main mudaa.aa maujood hai,

Har jagah har sheher har iqlim main,
Dhoom hai us ki jo na-maujood hai,

Jis se chupna chahta hoon main adam,
Woh sitamgar ja-ba-ja maujood hai..

…

The post Agahi main ek khalaa maujood hai.. appeared first on Ranjish.com.

Be-dili kya yuun hi din guzar jayen ge..

January 29, 2017, 10:10 pm

≫ Next: Hansne wale ab aik kaam karen..

≪ Previous: Agahi main ek khalaa maujood hai..

$

0

0

Be-dili kya yuun hi din guzar jayen ge,
Sirf zinda rahe hum to mar jaayen ge,

Raqss hai rang par rang hum-raqsss hain,
Sab bicharr jayen ge sab bikhar jayen ge,

Yeh kharabatiyan-e-khirad-bakhta,
Subh hote hi sab kaam pr jaayen ge,

Kitni dilkash ho tum, kitna dill-ju hoon main,
Kya sitam hai ke hum log mar jaayen ge,

Hai ghaneemat ke asrar-e-hasti se hum,
Bekhabar aaye hain, Bekhabar jaayen ge..

…

The post Be-dili kya yuun hi din guzar jayen ge.. appeared first on Ranjish.com.

Hansne wale ab aik kaam karen..

January 31, 2017, 2:56 am

≫ Next: Din kuch aese guzaarta hai koi..

≪ Previous: Be-dili kya yuun hi din guzar jayen ge..

$

0

0

Hansne wale ab aik kaam karen,
Jashn-e-girya ka ehtimaam karen,

Hum bhi kar len jo raushni ghar main,
Phir andhere kahan qayaam karen,

Mujh ko mehrumi-e-nazara qubool,
Aap jalve na apne aam karen,

Aa chalen us ke dar pe ab ae dil,
Zindagi ka safar tamaam karen,

Hath uthta nahin hai dil se khumar,
Hum unhen kis tarah sallam karen..

…

The post Hansne wale ab aik kaam karen.. appeared first on Ranjish.com.

---

Din kuch aese guzaarta hai koi..

January 31, 2017, 6:07 am

≫ Next: Jo mere bass main hai uss se zeyada kya karna..

≪ Previous: Hansne wale ab aik kaam karen..

$

0

0

Din kuch aese guzaarta hai koi,
Jese ehsaan utaarta hai koi,

Dil main kuch yuun sambhaalta hoon gham,
Jese zevar sambhaalta hai koi,

Aayina dekh kar tasalli hui,
Hum ko is ghar main janta hai koi,

Pairr pr pakk geya hai phal shayed,
Phir se pathar uchaalta hai koi,

Dair se goonjte hain sanaatte,
Jaise hum ko pukaarta hai koi..

…

The post Din kuch aese guzaarta hai koi.. appeared first on Ranjish.com.

Jo mere bass main hai uss se zeyada kya karna..

February 2, 2017, 4:00 am

≫ Next: Har ek baat ko chup-chaap kyun suna jaye..

≪ Previous: Din kuch aese guzaarta hai koi..

$

0

0

Jo mere bass main hai us se zeyada kya karna,
Safar to karna hai us ka iraada kya karna,

Bas ek rang hai dil main kisi ke hone se,
Ab apne-aap ko is se bhi saada kya karna,

Jab apni aag hi kaafi hai mere jeene ko,
To mehhr-o-maaah se bhi istifaada kya karna,

Tere labon ke sivaa kuch nahin mayassar,
So fikr-e-saghar-o-saaqi-o-baada kya karna,

Tamaam kashtiyan saahil pe hain abhi thehri,
Abhi se in ko jalane ka vaada kya karna..

…

The post Jo mere bass main hai uss se zeyada kya karna.. appeared first on Ranjish.com.

Har ek baat ko chup-chaap kyun suna jaye..

February 2, 2017, 4:41 am

≫ Next: Unhe main teri tamanna ka fun sikhata hoon..

≪ Previous: Jo mere bass main hai uss se zeyada kya karna..

$

0

0

Har ek baat ko chup-chaap kyun suna jaye,
Kabhi to hauslaa kar ke nahin kaha jaye,

Tumhara ghar bhi isi shehr ke hisaar main hai,
Lagi hai aag kahan, kyun pata kiya jaaye,

Juda hai heer se ranjha kayi zamanon se,
Naye siray se kahani ko phir likha jaye,

Kaha geya hai sitaron ko chhuna mushkil hai,
Yeh kitna sach hai kabhi tajarba kiya jaye,

Kitaben yuun to bohat si hain mere baray main,
Kabhi akele main khud ko bhi parrh liya jaye..

…

The post Har ek baat ko chup-chaap kyun suna jaye.. appeared first on Ranjish.com.

Unhe main teri tamanna ka fun sikhata hoon..

February 4, 2017, 10:12 am

≫ Next: Ibn-e-maryam hua kare koi..

≪ Previous: Har ek baat ko chup-chaap kyun suna jaye..

$

0

0

Unhe main teri tamanna ka fun sikhata hoon,
Jo log teri tamanna se darne lagte hain..…

The post Unhe main teri tamanna ka fun sikhata hoon.. appeared first on Ranjish.com.

Ibn-e-maryam hua kare koi..

February 5, 2017, 4:14 am

≫ Next: Pyar karne ke liye geet sunaane ke liye..

≪ Previous: Unhe main teri tamanna ka fun sikhata hoon..

$

0

0

Ibn-e-maryam hua kare koi,
Mere dukh ki davaa kare koi,

Sharaa-o-aayin par madaar sahi,
Aese qatil ka kya kare koi,

Chaal jaise karri kamaan ka teer,
Dil main aese ke ja kare koi,

Baat par vaan zabaan kaTti hai,
Woh kahen aur suna kare koi,

Bak raha hoon junoon main kya kya kuch,
Kuch na samjhe khuda kare koi,

Na suno gar bura kahe koi,
Na kaho gar bura kare koi,

Rok lo gar ghalat chale koi,
Bakhsh do gar khataa kare koi,

Kaun hai jo nahin hai haajat-mand,
Kisi ki haajat ravaa kare koi,

Kya kiya khizr ne sikandar se,
Ab kise rahnuma kare koi,

Jab tawaqqoh hi uth gayi ghalib,
Kyun kisi ka gilaa kare koi..

…

The post Ibn-e-maryam hua kare koi.. appeared first on Ranjish.com.